Antonio Conte është tashmë zyrtarisht trajneri i ri i skuadrës së Tottenham. Italianit i është besuar kreu i stolit të Spurs deri në fund të sezonit në 2023-shin, teksa në kontratë ka edhe mundësinë e një viti shtesë.
Ndërsa duke folur pas marrjes së detyrës së re ish-tekniku i Inter, që shpalli kampion të Seria A ‘Zikaltërit’ pas 11 vitesh mungesë të atij titulli, është shprehur se ka ardhur koha që skuadra angleze të kthehet në protagoniste të premier League.
“Jam jashtëzakonisht shumë i lumtur që ndodhem këtu. Shumë i lumtur që rikthehem si tranjer pas një pushimi që nga largimi im me Interin. Është shumë e bukur që jam rikthyer në Angli të drejtoj një klub të Premier League i cili ka ambicie të mëdha dhe të jetë sërish protagonist si Tottenham. Është koha të filloj punën për të përcjell te ekipi dhe tifozët pasionin tim, mentalitetin dhe vendosmërinë që më kanë dalluar gjithmonë.”-tha ai.
Më tej ai shpjegoi edhe arsyen se pse nuk mori këtë post gjatë verës, ndërsa marrëveshja mes tyre ishte shumë e afërt.
“Verën e kaluar bashkimi ynë nuk ndodhi sepse fundi i marrëdhënies sime me Interin ishte i vonshëm dhe unë isha shumë i përfshirë emocionalisht pas atij sezoni me Interin. Ishte e vështirë për mua të ndahesha nga një klub si Interi pas atyre dy viteve të lumtura e të bukura, dashurinë e lojtarëve dhe tifozëve nuk mund t’i hidhja poshtë menjëherë duke u gjendur në një ekip të ri kështu që prita. Vendosmëria e Daniel Levy për të më besuar mua këtë detyrë tashmë ishte e goditur në shenjë. Jam gati, ndjehem gati dhe mezi pres të filloj punën time për të ringritur këtë klub aty ku e ka vendin.”-theksoi italiani.
Ndërsa nga kjo kontratë tekniku do të përfitojë 15 milionë euro në sezon, me debutimin që do pritet të ndodh në takimin e Conference League kundër Vitesses./K.T/Gijotina.com
