Tre muaj pas largimit nga Inter të cilët i shpalli kampionë të Seria A, Antonio Conte ka marrë një detyrë shumë të veçantë.
Tekniku nuk do të jetë në fushë tashmë, por në studio ku do të analizojë punën e të tjerëve. Conte është konfirmuar nga rrjeti televiziv italian “Sky” si një nga opinionistët fiks të këtij sezoni për Champions League.
Ai do të jetë i ftuari special i “Sky” për Champions në mesjavë, si dhe për ndeshjet e përfaqësueseve, ku sigurisht fokusi është te Italia të cilën ai e ka drejtuar disa vite më parë.
Ky lajm i bërë publik së fundmi hedh poshtë zërat se Conte do të ishte trajneri i Arsenal nëse do të kemi një shkarkim të Mikel Artetës për shkak të humbjeve të njëpasnjëshme.
Rikujtojmë se tekniku shpesh herë nuk i ka shmangur polemikat me të ftuarit në studiot televizive e tashmë duket se do jetë vetë në rolin e ngacmuesit të kolegëve të tij në fushë./Gijotina.com
