Tottenham dhe Liverpool do të përballen ditën e nesërme në orën 17:30, në atë që do të jetë sfida më e fortë e Premier League këtë jave, me shumë ndeshje të tjera të anuluara.
Një ditë para takimit, trajneri i “spurs-ave”, Antonio Conte ka folur me elozhe për rivalët e tij dhe kolegun Jurgen Klopp, për të cilin tha se filloi një punë fantastike kur mbërriti në Liverpool.
“Të dielën, ne luajmë kundër një skuadre që mund të na mësojë shumë, sepse mendoj se Jurgen Klopp, kur mbërriti në Liverpool, ai filloi një punë fantastike. Por sezonin e parë ata nuk arritën aq shumë, por filloi puna.
Nëse do të arrish këtë nivel, ka nevojë për punë, kohë, durim dhe investim në transferime”, tha italiani.
I pyetur si do e përballojë Tottenham Liverpoolin, Conte tha se do të jetë mirë që do të luajnë këtë ndeshje, për të kuptuar si të përballen me skuadrat kryesore.
“Po, Liverpool ka shumë zgjidhje gjatë lojës. Nuk do të jetë e lehtë, por ne duhet të punojmë si ekip. Ne përgatitemi për lojën. Ne e dimë shumë mirë se përballemi me një nga skuadrat më të mira në botë, por, në të njëjtën kohë, mendoj se është mirë të kemi këtë ndeshje, sepse duam të kuptojmë si të përballemi me këto skuadra kryesore”, deklaroi Conte.
Discussion about this post