Courtois kryen operacionin në gju, ja kur kthehet në fushë

Portieri i Real Madridit, Thibaut Courtois i është nënshtruar një operacioni sot pas këputjes së ligamentit të kryqëzuar në gjurin e tij të majtë.

Dëmtimi ndodhi në stërvitje më 10 gusht, vetëm dy ditë para debutimit të skuadrës në La Liga kundër Athletic Bilbao.

“Lojtari ynë Thibaut Courtois iu nënshtrua një operacioni të suksesshëm sot për një këputje të ligamentit të kryqëzuar të përparmë në gjurin e tij të majtë nga Dr. Manuel Leyes, nën mbikëqyrjen e Shërbimeve Mjekësore të Real Madridit,”- njoftoi klubi në profilin zyrtar.

Nuevo parte médico de Courtois.#RealMadrid

— Real Madrid C.F. (@realmadrid) August 17, 2023

Ai do të qëndrojë disa muaj jashtë fushave dhe zëvendësuesi do të jetë Kepa Arrizabalaga, portieri i cili vjen në formë huazimi nga Chelsea.