Covid-19 vazhdon të jetë i pranishëm në vendin tonë, ku ditë pas dite ka raste pozitive. Gjatë 24 orëve të fundit janë regjistruar 79 qytetarë të infektuar me Covid, nga 1,192 testime të kryera.
Ministria e Shëndetësisë bën të ditur se nuk është shënuar asnjë viktimë si pasojë e virusit. Janë 463 pacientë aktivë me COVID-19 në të gjithë vendin. Aktualisht në spitalin COVID3 po marrin trajtim 12 pacientë, nga të cilët 1 është në gjendje më të rënduar.
Janë shëruar 50 qytetarë gjatë 24 orëve të fundit, duke e çuar numrin e të shëruarve në 269,653 që nga fillimi i epidemisë.
Ndërkaq krahasuar me ditën e djeshme numri i personave të infektuar është rritur me 7, ndërkaq fatmirësisht as dje nuk është shënuar asnjë viktimë.
Discussion about this post