Mjeku Ilir Alimehmeti në një intervistë për mediat, ka ritheksuar se vaksinimi i fëmijëve nuk është i nevojshëm, pasi sipas tij janë të rralla rastet që fëmijët sëmuren rëndë nga Covid.
“Për mendimin tim fëmijët nuk duhet të vaksinohen. Janë të rralla rastet që fëmijët sëmuren rëndë nga Covid. Anglia ka gjetur vetëm 25 fëmijë që e kanë kaluar rëndë Covid-19. Për shëndetin e tyre direkt nuk duhet të vaksinohen. Fëmijët janë transmetues më pak të fuqishëm se të rriturit. Vaksina qartësisht nuk e bllokon transmetimin. Vaksinën ua dhamë në fillim të moshuarve ndërsa tani kanë të gjithë mundësinë”- tha ai.
Ai gjithashtu bëri apel për vaksinimin e të rriturve, pasi një person që e ka kaluar Covid-19 duhet të vaksinohet edhe pse mbrojtja nga antitrupat është 10-fish më e lartë. Ndër vaksinat ai ka veçuar si më efektiven dhe më të mirën Pfizer, më pas Astrazeneca dhe në fund Sputnik.
“Pasi ikën virusi antitrupat bien por ka disa qeliza kujtese që nëse hyn armiku i njohur shtohen sërish antitrupat. Përgjigja e antitrupave është 10 fish më e lartë kur virusi ka hyrë njëherë në trup. Rekomandim shumë i fortë për të bërë vaksinën. Kemi me vetëm një vaksinë në aprovuar plotësisht, Pfizer dhe më pas ne shohim që efekti është shumë më i lartë nga kjo vaksinë dhe shumë më i ulët me Sputnik e Sinofarm. Shtetet që përdorin Pfizer dhe AstraZeneca nuk kanë shprehur nevojën për një dozë të tretë”- tha ai.
