Covid-19/ Atalanta gjen zgjidhje për lojtarët e pavaksinuar, do të udhëtojnë me fugon

Atalanta do të përballet në fundjavë me Lacion në transfertë, por po kalon një situatë jo të mirë për sa i përket vaksinimit të lojtarëve.

Duket se më në fund klubi “bergamas” i ka dhënë zgjidhje këtij problemi. Lojtarët të cilët nuk janë vaksinuar do të duhet të udhëtojnë vetëm me fugon për në kryeqytet dhe jo me skuadrën.

Por kjo nuk është e gjitha, Ata gjithashtu do të duhen të akomodohen në apartamente të ndryshme afër hotelit që do të akomodohet pjesa tjetër e ekipit. Gjithsesi do të lejohen të luajnë kundër Lacios.

Pas sfidës, ata do të kthehen për në Bergamo, në të njëjtën mënyrë siç do të shkojnë për në Romë.