Ministria e Shëndetësisë tregon se situata e Covid-19 në vendin tonë vijon të jetë e stabilizuar, pasi në 24 orët e fundit janë kryer 2008 testime, nga të cilat kanë rezultuar pozitivë 218 qytetarë, nga 405 një ditë më parë. Ndërsa bie në sy se numrin më të lartë të të infektuarve, gati gjysmën e tyre, e regjistron Tirana, ndjekur nga Fieri dhe Berati.
Ministria tregon se për fat të keq, në 24 orët e fundit regjistrohen 9 humbje jete: Një qytetar nga Shkodra 56 vjeç, tre qytetarë nga Tirana 63-83 vjeç, një qytetar 74 vjeç nga Përmeti, dy qytetarë nga Fier 78 dhe 87 vjeç, një qytetarë nga Lushnja 79 vjeç dhe një qytetar nga Korça 86 vjeç. Ministria e Shëndetësisë dhe Mbrojtjes Sociale u shpreh ngushëllimet familjarëve.
Ndërsa lajmi i mirë është se janë shëruar 252 qytetarë gjatë 24 orëve të fundit, duke e çuar numrin e të shëruarve në 185,569 që nga fillimi i epidemisë, Ndërkohë në të gjithë vendin Janë 7,993 pacientë aktivë me COVID-19. Sipas të dhënave, aktualisht në spitalet COVID po marrin trajtim 155 pacientë, nga të cilët 17 janë në gjendje më të rënduar.
Discussion about this post