Covid-19, Greqia ashpërson masat

Qeveria greke ka vendosur të rikthejë masat shtrënguese si pasojë e numrit të madh të personave të infektuar me Covid-19.

Pak ditë më parë pati sërish ndryshim masash, teksa tashmë ato janë ashpërsuar. Në 25 tetor u vendos për një person në 2m katror, ndërsa tashmë është cilësuar 9m katror. Kjo dispozitë nuk parashikon ndarje mes qytetarëve të vaksinuar dhe atyre të cilët nuk i kanë marrë ende dozat.

Ministri i Zhvillimit Ad. Georgiadi tha se propozimi i tij për demonstrimin e testit negativ nga të pavaksinuarit nuk është respektuar.

Përgjatë ditëve të fundit, situata nga koronavirusi është përkeqësuar në shtetin helen. Sipas njoftimit të përditshëm të bërë nga institucionet shëndetësore, atje raportohet mesatarisht për më tepër se 6 mijë të infektuar.