India do të rihapë kufijtë duke filluar nga 15 tetori pas mbylljes për më shumë se një vit për shkak të pandemisë. Të gjithë protokollet në lidhje me COVID-19 “duhet të respektohen nga turistët e huaj, tha ministria e brendshme në një deklaratë.
“Pas marrjes parasysh të informacioneve të ndryshme, India ka vendosur të fillojë dhënien e vizave të reja turistike për të huajt që udhëtojnë në Indi, nga 15 tetori 2021″, tha Ministria e Brendshme në një njoftim për shtyp.
“Turistët e huaj, transportuesit që ia sjellin ata në Indi, si edhe të gjithë aktorët në aeroporte, duhet të ndjekin të gjitha protokollet COVID-19”, shtoi ajo.
India pezulloi të gjitha vizat për të huajt në mars 2020, kur COVID-19 filloi të përhapet në të gjithë botën, pasi qeveria vendosi një bllokim të rreptë në vend.
Midis marsit dhe majit, India u godit nga një valë e ashpër epidemike, me kulme prej rreth 400 000 infektime dhe 4 000 vdekje në ditë të regjistruara në pikun e krizës.
