Trajneri i Genoas, Andriy Shevchenko, ka rezultuar pozitiv me COVID-19. Klubi e ka konfirmuar lajmin ditën e sotme, ndërsa pozitiv ka dalë edhe kapiteni Criscito
Lojtari e kishte konfirmuar tashmë testin e tij për COVID në Instagram, duke zbuluar se e gjithë familja e tij dalë pozitive. Është hera e dytë që Criscito infektohet me virusin, pas shtatorit të vitit 2020, por është veçanërisht shqetësues duke pasur parasysh se gruaja e tij solli në jetë vajzën e tyre dje.
Sa i përket trajnerit Shevchenko, nuk ka ndonjë konfirmim nëse ishte vaksinuar apo jo.
Për ditët në vazhdim legjenda e Milanit do të jetë në izolim dhe ndihmësi Mauro Tassotti do të marrë kontrollin e stërvitjes kur skuadra të kthehet së bashku në terren më 29 dhjetor.
Discussion about this post