Situata e pandemisë në Itali, paraqitet kritike. Në 24 orët e fundit janë regjistruar 9.503 persona të infektuar me koronavirus.
Nga ana tjetër, për fat të keq, nuk e kanë fituar betejën me virusin 92 qytetarë.
Në terapinë intensive ndodhen 7 pacientë më shumë se një ditë më parë, ndërsa janë shënuar dhe 5.567 persona të shëruar.
Numri i infeksioneve të reja të Covid-19 në Itali ka qenë në rritje graduale gjatë gjashtë javëve të fundit, edhe para se të lindnin shqetësimet për variantin e ri Omicron.
Kjo është një prirje shqetësuese në një kohë kur italianët po prisnin me padurim festat e fundvitit dhe mundësinë për t’u takuar me miqtë dhe familjen, pasi vitin e kaluar nuk kishin mundësi ta bënin këtë për shkak të një vale të rritjes së infeksioneve dhe mungesës së vaksinave kundër Covid-19.
Discussion about this post