Për të udhëtuar nga një shtet në shtet tjetër është kusht që të posedosh testin negativ të covid-19, pse të paraqesësh certifikatën e vaksinës. Deri më sot testi ofrohej falas për udhëtarët, pro tashmë disa shtete po fillojnë ta eliminojnë këtë shërbim, duke vendosur një çmim për bërjen e testiti. Çmimet e testimit ndryshojnë nga vendi në vend, por e fundit që ka vendosur të mos japë më teste falas për udhëtarët është Gjermania.
Gjatë javës së dytë të tetorit, autoritetet gjermane njoftuan se qytetarët e atij vendi nuk do të mund të përdorin më teste falas. Sipas rregullave të reja, nga 11 tetori, të gjithë shtetasit gjermanë që nuk janë vaksinuar ose nuk janë shëruar nga coronavirusi duhet të mbulojnë vetë çmimin e testit PCR.
Pozicioni i autoriteteve gjermane është se qytetarët kishin kohë të mjaftueshme për t’u vaksinuar. Për këtë arsye, ata e konsiderojnë “të padurueshme” përdorimin e parave të taksapaguesve për të mbuluar kostot e testimit të coronavirusit.
