Nënkryetari i LSI, Petrit Vasili, ka komentuar sot situatën pandemike në vend. Përmes një postimi në rrjetin social Facebook ai shkruan se situata e Covid-19 është katastrofike, dhe kryeministri Edi Rama sipas tij po bën karagjozin.
Përmes këtij postimi, ai i bën thirrje Ramës që të mendoj më shumë për subvencionimin e ilaçeve për personat e infektuar me covid dhe të lërë me një anë deklaratat dhe ngjarjet pa vlerë. “O Kryeministër janë mijëra e mijëra qytetarë me Covid çdo ditë, gjendja është katatrofike, fol e vepro për ta se për këtë paguhesh, apo ke devizën kush të rrojë, të rrojë se ty s’të bëhet vonë. O kryeministër s’ka familje të paprekur nga Covid është emergjencë shëndetësore kombëtare në kulmin e saj.
O kryeministër boll bëre karagjozin. Bëhet fjalë për jetën dhe shëndetin e njerëzve dhe i ke lënë njerëzit në mëshirë të fatit e mjaft prej tyre nuk i blejnë dot ilaçet se nuk kanë para .O kryeministër rimbursoji ilaçet për dhjetëra mijëra shqiptarë të infektuar me Covid se e ke detyrë me Kushtetutë e ligj”, shkruan ai.
Si pasojë mutacioneve të reja të zbuluar, pandemia në vendin tonë ka marrë vrull në javët e fundit, duke shënuar një numër në rritje të infektimeve ditore.
Discussion about this post