Pas Kosovës edhe Maqedonia e Veria ka përcaktuar si kriter testin PCR ose certifikatën e vaksinimit për të hyrë në territorin e sja. Këto masa hyjnë në fuqi sot dhe të gjithë qytetarët të cilët do të hyjnë në Republikën e Maqedonisë së Veriut përmes pikës se kalimit kufitar te Qafe Thanës, duhet të jenë të pajisur me certifikatën e vaksinimit COVID-19, ndërsa ata të cilët nuk e disponojnë një të tillë, duhet të kenë kryer testin PCR, jo më vonë se 72 orë nga udhëtimi, ose testin e shpejtë antigen, jo më vonë se 48 orë
Ndërkaq për të gjithë ata shtetas të cilët do të udhëtojnë transit për në Maqedoni, duhet të plotësojnë një deklaratë në pikat e Kalimit Kufitar me Maqedoninë e Veriut.
Masat e vendosura së fundmi duket se kanë sjellë edhe një ulje të ndjeshme të numrit të udhëtarëve në pikën e kalimit kufitar të Qafë Thanës.
Shkak për këtë situatë është rritja e numrit të personave të infektuar me covid-19. Ndërkohë që për të hyrë në Shqipëri, shteti ynë nuk ka asnjë detyrim për qytetarët e vendeve të tjera, nuk kërkohet test PCR dhe as certifikatë vaksinimi.
Një ditë më parë Itali ashpërsoi masat, nga të cilat spikati fakti që ky shtet nuk njeh pasaporten e vaksinës të qytetarëve të vaksinuar me coronavac.
