Në 24 orët e fundit në Greqi janë regjistruar 2,197 raste të reja me COVID-19 dhe 36 humbje jete. Që nga fillimi pandemisë bilanci total i viktimave ka shkuar në 15,105. 95.3% prej tyre kishin sëmundje shoqëruese.
Në total, numri i të infektuarve në vend shkon në 675,479, prej të cilëve 50.9% janë meshkuj. Ndërsa sa i përket rasteve të konfirmuara në shtatë ditët e fundit, 115 prej tyre janë persona që kanë udhëtuar jashtë, kurse 3,445 janë raste kontakti.
Gjithsesi, autoritet greke lajmërojnë se masat aktuale do të mbeten në fuqi edhe për disa javë, pasi numri i të infektuarve është ende i lartë dhe kemi stinën më të rrezikshme përpara.
