Greqi po përballet me një situatë të vështirë për sa i përket koronavirusit atje. Në 24 orët e fundit janë konfirmuar 4307 raste të reja dhe 52 viktima.
Numri total i personave që kanë humbur jetën në vendin fqinj si pasojë e virusit është 16.295.
Në të njëjtën kohë, në Repartet e Kujdesit Intensiv ndodhen 470 pacientë të intubuar. Mosha mesatare e tyre është 65 vjeç prej të cilëve 81.5% kanë sëmundje bashkëshoqëruese.
Nga pacientët e intubuar, 382 (81.28%) janë të pavaksinuar ose pjesërisht të vaksinuar dhe 88 (18.72%) janë plotësisht të vaksinuar.
Mosha mesatare e personave të infektuar është 38 vjeç, ndërsa mosha mesatare e vdekjes është 78 vjeç.
Në krahasim me një ditë më parë, numri i të infektuarve ka ardhur në ulje, teksa në 24 orët e fundit janë regjistruar më tepër viktima.
Discussion about this post