Në 24 orët e fundit në Itali janë regjistruar 108,304 të infektuar nga 492,172 teste të kryera. Shkalla e pozitivitetit për sot ishte 22%, nga 19.3% që ishte një ditë më parë.
Ministria e Shëndetësisë në vend, në raportimin ditor të rasteve bëri të ditur se si pasojë e Covid-19 për ditën e sotme e kanë humbur jetën 223 qytetarë. Kështu, totali i viktimave në vend shkon në 138,697.
Kurse, të shëruarit për sot ishin 27,582. Sipas buletinit të publikuar sot, pacientët që po marrin kujdes në njësitë e kujdesit intensiv janë 1,499, 32 më shumë se në 24 orët e shkuara. Kurse shtrimet për sot ishin 120. Në spital me simptoma në pavijonet Covid ndodhen 14,591 pacientë ose 764 më shumë se ditën e djeshme.
Discussion about this post