Italia ka regjistruar 3,023 raste të reja me Covid-19 gjatë 24 orëve. Ndërkohë që është ulur ndjeshëm numri i viktimave ku 20 qytetarë nuk e kanë fituar dot betejën me virusin nga 41 që ishin një ditë më parë.
Ndërkohë incidenca javore e rasteve të Covid në nivel kombëtar në Itali vazhdon të ulet, duke arritur në 34 për njëqind mijë banorë (27 shtator-3 tetor) krahasuar me 39 javën e kaluar.
Në Itali, nga 3 janari 2020 deri në 4 tetor 2021, ka pasur 4,679,067 raste të konfirmuara të COVID-19 me 130,998 vdekje, të raportuara në OBSH. Ndërsa që nga 2 tetori 2021, janë administruar një total prej 85,117,932 doza vaksine.
