Covid-19 në Kosovë, 108 raste të reja në 24 orët e fundit

Ministria e Shëndetësisë së Kosovës bën me dije se gjatë 24-orëve të fundit nuk është shënuar asnjë vdekje Covid në vend, ndërkohë që  janë regjistruar 108 raste të reja nga 6196 testime të kryera.  

Numri i infektimeve ka pësuar një rritje të konsiderueshme gjatë 24-orëve të fundit, pasi për datën 3 janar u shënuan 38 raste të reja.

Ministria e Shëndetësisë bën gjithashtu me dije se në Kosovë janë aktualisht 637 raste aktive.

Sa i përket vaksinimit kundër koronavirusit, në 24 orët paraprake janë administruar 2.161 doza të vaksinës.

Në Kosovë, deri më tani, me dy dozat e vaksinës janë imunizuar 784.166 persona.