COVID-19 në Kosovë, 8 raste të reja dhe asnjë humbje jete në 24 orët e fundit

Ministria e Shëndetësisë në Kosovë njoftoi se më 16 dhjetor janë regjistruar 8 raste të reja me koronavirus. Rastet e reja dolën pas testimit të 1.895 mostrave, ndërsa nuk është regjistruar asnjë vdekje nga COVID-19.

Deri më tani në Kosovë, 775.162 persona kanë marrë dy doza të vaksinës. Të drejtë vaksinimi kanë të gjithë qytetarët prej 12 vjeç e lartë. Në Kosovë administrohen dy lloje të vaksinave, ajo e kompanisë AstraZeneca dhe vaksina e Pfizer/BioNTech.

Që prej 9 dhjetorit ka nisur edhe dhënia e dozës së tretë dhe dozës përforcuese të vaksinës kundër koronavirusit.