Në 24 orët e fundit në Kosovë janë regjistruar edhe 4 viktima si pasojë e COVID-19.
Po ashtu 45 persona të tjerë janë raportuar si të infektuar me virusin vdekjeprurës. Nga ana tjetër Ministria e Shëndetësisë në Kosovë raporton se në 24 orët e fundit janë dhënë 15.910 doza të vaksinës kundër COVID-19.
Prej shpërthimit të pandemisë në mars të vitit 2020, autoritetet shëndetësore në Kosovë kanë regjistruar mbi 160.000 raste të infektimit.
Prej fillimit të vaksinimit në të gjitha qytetet e Kosovës janë dhënë 1.312.912 doza të vaksinës.
Sipas ministrisë së Shëndetësisë, deri më 29 shtator, me dozën e dytë janë vaksinuar 520.182 qytetarë.
