8 raste të reja janë shënuar me koronavirus ditën e sotme në Kosovë. Instituti Kombëtar i Shëndetësisë Publike të Kosovës, informon se nga 1.398 testime, 8 qytetarë kanë rezultuar pozitiv me virusin Covid-19, duke theksuar se prej javësh situata paraqitet shumë e qetë.
Ndër të tjera, bëhet me dije gjatë 24 orëve të fundit nuk është shënuar asnjë rast i vdekjes. Sot janë shëruar 14 qytetarë, ndërsa numri i përgjithshëm i të shëruarve është 157.801 dhe në total numri i rasteve aktive është 314.
Sipas Ministrisë së Shëndetësisë, në 24 orët e fundit janë dhënë 2.142 doza të vaksinës kundër Covid-19. Sakaq, bëhet me dije se prej fillimit të vaksinimit në të gjitha qytetet e Kosovës janë dhënë 1.617.512 doza të vaksinës dhe 762.675 qytetarë janë vaksinuar me dozën e dytë.
Discussion about this post