Covid-19 në Shqipëri, 10 viktima dhe 609 raste pozitive

Ministria e Shëndetësisë ka publikuar shifrat e përballjes me pandeminë Covid-19 në 24 orët e fundit. Nga testet e kryera kanë rezultuar 609 raste të reja të infektuar me Covid-19. Luftën me virusin nuk kanë mundur t’a fitojnë 10 qytetarë, të cilët janë, një qytetar 66 vjeç nga Bulqiza, një qytetar 69 vjeç nga Fushë- Kruja, katër qytetarë nga Tirana 71 -77 vjeç,  dy qytetarë nga Elbasani 71 dhe 72 vjeç, një qytetar nga Fieri 74 vjeç, një qytetar nga Korça 82 vjeç. 

Aktualisht, autoritetet shëndetësore njoftojnë se janë 20 pacientë në gjendjë të rënduar shëndetësorer, që po marrin mjekim intensiv në spital. Ndërkohë raste pozitive me virusin Covid-19 në vend, raportohet se janë 7,804 të tilla, ndërsa 642 qytetarë janë shëruar në 24 orët e fundit, duke e çuar numrin e të shëruarve në 186,909 që nga fillimi i epidemisë.