Covid-19 në Shqipëri, 5 humbje jetësh dhe 690 raste të reja

Ministria e Shëndetësisë ka publikuar të dhënat e 24 orëve të fundit në vend, nga ku rezulton se janë kryer 2,596 testime për Covid-19 dhe kanë rezultuar 690 qytetarë të infektuar.Betejën me virusin nuk kanë mundur ta fitojnë 5 qytetarë.

Qytetarët që kanë ndërruar jetë janë, një qytetare 33 vjeç nga Shkodra, një qytetare nga Fier 56 vjeç, një qytetar nga Lushnja 61 vjeç, një qytetar nga Berati 74 vjeç dhe një qytetare nga Tirana 85 vjeç. 

Aktualisht në spitalet COVID po marrin trajtim 168 pacientë, nga të cilët 22 janë në gjendje më të rënduar, ndërsa 8,190 pacientë janë aktivë me Covid-19 në të gjithë vendin.

Janë shëruar 652 qytetarë gjatë 24 orëve të fundit, duke e çuar numrin e të shëruarve në 179,650 që nga fillimi i epidemisë.