COVID-19 në Shqipëri/ Numri i të infektuarve rritet me dy krahasuar me një ditë më parë

Në raportin e përditshëm nga Ministria e Shëndetësisë njoftohet se gjatë 24 orëve të fundit janë shënuar 54 persona të infektuar me COVID-19.

Tregohet një rritje me dy raste të reja krahasuar me një ditë më parë, ndërsa raportohet se nuk ka asnjë humbje jete nga koronavirus në gjithë vendin gjatë 24 orëve të fundit.

Në raport theksohet se janë kryer 1442 testime, 17 të shëruar brenda një dite.

Qytetarët e infektuar janë raportuar në këto bashki:
26 në Tiranë, 5 në Vlorë, 4 në Fier, 3 në Kamëz, nga 2 qytetarë në Durrës, Lushnje, Elbasan, nga 1 qytetar në Gramsh, Kolonjë, Tepelenë, Përmet, Gjirokastër, Konispol, Delvinë, Roskovec, Kurbin, Shkodër. Janë 426 pacientë aktivë me COVID-19 në të gjithë vendin.
Aktualisht në spitalin COVID3 po marrin trajtim 9 pacientë.

Theksojmë sërish se në 24 orët e fundit nuk ka asnjë humbje jete me Sars-Cov2. Janë shëruar 17 qytetarë gjatë 24 orëve të fundit, duke e çuar numrin e të shëruarve në 270,869 që nga fillimi i epidemisë.