COVID-19 në Shqipëri, ulet numri i të infektuarve dhe viktimave në 24 orët e fundit

Numri i të infektuarve dhe viktimave nga COVID-19 në vend gjatë 24 orëve të fundit është ulur, krahasuar me një ditë më parë.

Sipas Ministrisë së Shëndetësisë, raportohen 502 qytetarë të infektuar, 7 humbje jete dhe 611 të shëruar në 24 orët e fundit nga 2841 testime.

Nga qarqet që ka më shumë qytetarë të prekur me virusin vdekjeprurës, është Tirana, e cila pasohet nga Berati dhe Fieri.

Shpërndarja e rasteve pozitivë me COVID19 në këto bashki, paraqitet si më poshtë:

201 në Tiranë, 46 në Berat, 32 në Fier, 27 në Durrës, 20 në Shkodër, 17 në Gjirokastër, 12 në Kamëz, 11 në Vlorë, nga 10 raste në Lushnje, Elbasan, nga 8 qytetarë në Lezhë, Krujë, Pogradec, nga 7 qytetarë në Skrapar, Mallakastër, nga 6 qytetarë në Kavajë, Peqin, nga 5 qytetarë në Tepelenë, Sarandë, Roskovec, nga 4 qytetarë në Kukës, Tropojë, Korçë, Dimal, nga 3 qytetarë në Gramsh, Mat, Vorë, nga 2 qytetarë në Vau i Dejës, Mirditë, Kurbin, Shijak, Himarë, Përmet, Kuçovë, Librazhd, nga 1 qytetar në Poliçan, Devoll, Memaliaj, Libohovë, Delvinë, Patos, Dibër, Rrogozhinë, Has, Pukë.

Janë 8,247 pacientë aktivë me COVID19 në të gjithë vendin.

Aktualisht në spitalet COVID po marrin trajtim 153 pacientë, nga të cilët 17 janë në gjendje më të rënduar.

Janë shëruar 611 qytetarë gjatë 24 orëve të fundit, duke e çuar numrin e të shëruarve në 184,247 që nga fillimi i epidemisë.