Ministria e Shëndetësisë bënë me dije se nga 914 testime të kryera kanë rezultuar pozitiv me Covid-19, 44 qytetarë. Rastet e reja janë shënuar në këto bashki: 20 qytetarë në Tiranë, 4 në Fier, 3 në Lushnje, Elbasan, 2 në Shkodër, Durrës, Himarë, Përmet, Tepelenë, 1 në Patos, Sarandë, Skrapar, Gramsh.
Ndërkohë, janë 209 pacientë aktivë me Covid-19 në të gjithë vendin. Aktualisht në spitalin COVID3 po marrin trajtim 8 pacientë. Në 24 orët e fundit nuk ka asnjë humbje jete me Sars-Cov2. Janë shëruar 93 qytetarë gjatë 24 orëve të fundit, duke e çuar numrin e të shëruarve në 271,710 që nga fillimi i epidemisë.
Kujtojmë se, rastet e Covid-19 janë rritur në krahasim me një ditë më parë, për shkak të uljes edhe të testimeve nga Ministria e Shëndetësisë. Ditën e djeshme kemi pasur 6 raste të reja, por që numri i testimeve ka qenë më i ulët, 406 testime. Ditën e djeshme nuk është regjistruar humbje jete.
Discussion about this post