Ministria e Shëndetësisë bën me dije se në 24 orët e fundit janë realizuar 406 teste për COVID, prej të cilëve gjashtë qytetarë kanë rezultuar pozitivë. Rastet janë shënuar në këto bashki: 3 qytetarë në Tiranë, 1 në Fier, Delvinë, Vlorë.
Sipas MSH nuk është regjistruar asnjë viktimë, ndërsa 34 qytetarë janë shëruar. Aktualisht në spitalin COVID3 po marrin trajtim 7 pacientë. Bëhet e ditur se janë 258 qytetarë aktivë me Covid19 në gjithë vendin.
Kujtojmë që Komiteti i Ekspertëve disa ditë më parë mori vendimin që të hiqen të gjitha masat anticovid, duke nisur nga muzika dhe mbajtja e maskave. Mesa duket Covidi po largohet dhe shumë shpejt do i kthehemi jetesës normale.
Discussion about this post