Ministria e Shëndetësisë ka bërë publike shifrat e përballjes me pandeminë në 24 orët e fundit. Sipas këtyre të dhënave rezulton se janë kryer 8136 testime, nga të cilat 2177 qytetarë kanë rezultuar pozitiv. Ndërkohë betejën me Covid-19 nuk kanë mundur ta fitojnë 6 qytetarë, një qytetar nga Durrësi 54 vjeç, një qytetare nga Elbasani 65 vjeçe, dy qytetarë nga Tirana të moshave 77-80 vjeç, një qytetare nga Vlora 80 vjeçe, një qytetare nga Kavaja, 80 vjeçe.
Aktualisht në spitalet Covid po marrin trajtim 116 pacientë, nga të cilët 14 janë në gjendje më të rënduar. Janë shëruar 639 qytetarë gjatë 24 orëve të fundit, duke e çuar numrin e të shëruarve në 204,099 që nga fillimi i epidemisë. Janë 15,318 pacientë aktivë me Covid-19 në të gjithë vendin.
Discussion about this post