Virusi vdekjeprurës COVID-19 vijon të jetë prezent në vendin tonë. Ekspertët paralajmërojnë se pas festave pritet një rritje e rasteve pozitive. Për këtë arsye, nga sot do të hyjnë në fuqi masat e reja të vendosura nga Komiteti Teknik i Ekspertëve.
Për të parandaluar përhapjen e COVID-19 nga data 4 janar punonjësit e administratës publike, të qendrave tregtare dhe supermarketeve, për t’u paraqitur në punë duhet të dorëzojnë certifikatën e vaksinimit. Në mungesë të saj, punonjësit mund të paraqiten me certifikatë shërimi të vlefshme për 6 muajt e fundit, në të kundërt test PCR çdo 5 ditë.
Në ditët e fundit për shkak të përhapjes së virozave por edhe të gripit, të shumtë janë qytetarët që janë paraqitur të shqetësuar tek mjeku familjes prej simptoma të ngjashme me COVID.
Shumë prej tyre u janë nënshtruar testit të shpejtë por pjesa më e madhe kanë rezultuar negativ.
Discussion about this post