Dy filmat e famshëm të Tom Cruise, “Top Gun: Maverick” dhe “Mission: Impossible 7” nuk do të shfaqen në premierë për shkak të variantit Delta të COVID-19. Dy filmat pritet të jepen premierë vitin e ardhshëm.
“Maveric” do të shfaqet më 27 maj të vitit 2022, ndërkaq “Mision: Impossible”, do të godasë kinematë më 30 shtator të vitit 2022, ka raportuar The Hollywood Reporter.
Maveric ishte planifikuar të shfaqej fillimisht më 24 qershor 2020, mirëpo për shkak të valës së parë të pandemisë me COVID-19 u përcaktua të jepet në tre data të ndryshme të cilat për shkak të covid u bë e pamundur shfaqja e premierave në kinema. Në këto kushte data e fundit e përcaktuar është 27 maji i vitit 2022.
“Mission: Impossible” në anën tjetër, pësoi të njëjtat ndryshime, por pritet të shfaqet më 30 shtator 2022.
Aktori Cruise ka punuar shumë për të xhiruar filmin shumë të shikuar “Mission: Impossible 7”, dhe nën masa të rrepta sigurie si pasojë e COVID-19.
