593 të infektuar janë regjistruar në Maqedoninë e Veriut për ditën e sotme. Ministria e Shëndetësisë në Maqedoninë e Veriut tha se gjatë 24 orëve të fundit është regjistruar rritje e të prekurve nga covid-19 dhe situata po bëhet shqetësuese. Nga ana tjetër Instituti i Shëndetit Publik njoftoi se 415 qytetarë janë shëruar dhe 14 të tjerë e kanë humbur betejën me koronavirusin.
Qeveria bën me dije se masat shtrënguese do të vazhdojnë të jenë prezentë për aq kohë sa kurba e të infektimeve shkon në rritje. Ndërkohë, qeveria Maqedonase nuk ka përjashtuar as rritjen e masave anticovid nëse gjatë nëntorit do të vazhdojnë rriten shifrat. Gjithashtu, është bërë me dije se do të merren të gjitha masat që të mos lejohet grumbullimi masiv i njerëzve, apo lëvizja pa maskë në ambiente të mbyllura.
Discussion about this post