Për fat të mirë ditën e sotme nuk është regjistruar asnjë humbje jete nga koronavirusi në vendin tonë. Megjithëse, nga shifrat e publikuara evidentohet se vazhdojmë me një numër të lartë infektimesh. Në raport me një ditë më parë kemi një reduktim të lehtë të infektuarish, por gjithsesi situata mbetet shqetësues. Sipas të dhënave të publikuara nga Ministria e Shëndetësisë, gjatë 24 orëve të fundit kanë regjistruar pozitivë me koronavirus 1336 qytetarë, ndërsa e kanë fituar betejën me virusin e rëndë 1029 të shëruar. Sipas MSH, Janë 9,826 qytetarë aktivë me Covid-19 në gjithë vendin.
“Ju informojmë për situatën në 24 orët e fundit, si vijon: Janë kryer 2749 testime, nga të cilat kanë rezultuar pozitivë me COVID19, 1336 qytetarë, në këto bashki:
517 në Tiranë, 93 në Durrës, 53 në Sarandë, 48 në Lushnje, 43 në Kamëz, 40 në Fier, 37 në Vlorë, 34 në Shkodër, nga 33 qytetarë në Berat, Lezhë, 31 në Elbasan, 28 në Gjirokastër, 24 në Vorë, 23 në Kuçovë, 21 në Krujë, nga 20 qytetarë në Kavajë, Korçë, nga 18 qytetarë në Divjakë, Tepelenë, 14 në Mallakastër, nga 13 qytetarë në Kurbin, Himarë, Devoll, Dimal, nga 10 qytetarë në Patos, Gramsh, 9 në Vau i Dejës, 8 në Dibër, nga 7 qytetarë në Bulqizë, Selenicë, Maliq, Belsh. 6 në Roskovec, nga 5 qytetarë në Pukë, Tropojë, Pogradec, nga 4 qytetarë në Fushë Arrëz, Kukës, Mirditë, Shijak, Skrapar, Peqin, nga 3 qytetarë në Has, Mat, Delvinë, Finiq, Përmet, Kolonjë, nga 2 qytetarë në Malësi e Madhe, Konispol, Libohovë, nga 1 qytetar në Rrogozhinë, Poliçan.
Janë 9,826 qytetarë aktivë me Covid19 në gjithë vendin. Aktualisht në spitalin COVID3 po marrin trajtim 29 pacientë. Në 24 orët e fundit nuk ka asnjë humbje jete me Sars-Cov2”, thuhet në njoftim. Bëhet me dije se, aktualisht në spitalin COVID3 po marrin trajtim 29 pacientë
Discussion about this post