Të dhënat e fundit nga Ministria e Shëndetësisë në Itali, tregojnë se gjatë 24 orëve të fundit janë shënuar 4.878 raste të reja me COVID, ndërkohë betejën me virusin nuk e kanë fituar 37 persona.
Numri i rasteve aktive në të gjithë territorin italian është 80.381, ndërsa në spitale vijon në rritje numri i të shtruarve.
Vetëm një ditë mëparë ministri italian i Shëndetësisë, Roberto Speranza deklaroi se shifrat e pandemisë në Itali janë në rritje, edhe pse situata është më e mirë se në vendet e tjera evropiane, prandaj është e nevojshme të tregohemi të kujdesshëm dhe të matur, si edhe të ruhen masat paraprake antiCOVID-19.
