Covid-19, situatë alarmante në Gjermani, izolohen 6 lojtarë

Një lajm i keq ka ardhur për kombëtaren gjermane në prag të ndeshjeve kualifikuese për Botërorin ‘Katar 2022’  të nëntorit.

Ndonëse kjo përfaqësuese është nga të paktat që ka siguruar fazën tjetër që në tetor, forma e mirë dhe rezultatet rekord janë gjithmonë qëllimi i gjermanëve.

Së fundmi, siç bëhet e ditur nga Federata Gjermane e Futbollit në një reagim në rrjetet sociale nëj lojtar ka rezultuar pozitiv me Covid-19, ndërsa pesë të tjerë ndodhen në karantinë.

Izolimi i 5 futbollistëve të tjerë ka ardhur si urdhër nga autoritetet shëndetësore për shkak se kanë qenë kontakte shumë të afërta me futbollistin që ka rezultuar i infektuar.

Ndërsa ende nuk janë bërë me dije emrat e 6 lojtarëve që janë në izolim, kjo situatë nuk duket aspak pozitive kur pas pak ditësh do të nisin takimet e kualifikueseve./K.T/Gijotina.com