Rastet me Covid-19 janë shtuar në kampionatin spanjoll, teksa së fundi katër lojtarë të Real Madrid dhe shtatë të Barcelonës kanë rezultuar pozitivë.
Veç lojtarëve të rrezikuar janë edhe stafet teknike, trajnerët e po ashtu edhe arbitrat. Për këta të fundit në Spanjë është bërë e detyrueshme kryerja e një testi PCR. Këtu përfshihen gjithë gjyqtarët, ndihmësit dhe organet specifike të VAR-it të Kategorisë së Parë dhe të Dytë.
Testi do të kryhet 48-72 orë para se arbitri të gjykojë një ndeshje dhe në rast se testi del pozitiv, organi i arbitrazhit do të caktojë një arbitër zëvendësues. Përjashtim nga ky detyrim nuk përbëjnë as arbitrat në sallën e VAR.
Discussion about this post