Suedia po shënon një numër të ulët të personave të prekur nga koronavirusi, duke e renditur atë ndër dhjetë vendet europiane me nivelet më të ulëta të infeksionit. Përgjatë kësaj periudhe, Suedia ka një shkallë prej 81 infektimesh për 100 mijë banorë.
Sot, Suedia ka hequr detyrimin për tu testuar nga Covid-19 të gjithë të vaksinuarit, personat e infektuar kohëve të fundit, si dhe fëmijët deri në moshën 6-vjeçare. Institutit Suedez i Shëndetit Publik, deklaroi se kategoritë e përmendura duhet të qëndrojnë në banesa deri sa tu largohen të gjitha simptomat. Në këtë moment ata mund të shkojnë në punë, shkollë apo dhe ambiente të tjera të përbashkëta.
Për sa u përket personave të cilët ende nuk janë vaksinuar, ata janë të detyruar të bëjnë testin në rast simptomash, këtu përfshihen dhe stafet mjekësore, por edhe punonjës të tjerë.
Në spitalet suedeze, aktualisht po trajtohen për Covid-19 209 pacientë.
