Zv/ ministrja e shëndetësisë, Eugena Tomini ka treguar ditën e sotme se, deri më tani në vendin tonë nuk shfaqet asnjë shenjë e variantit të ri “Omicron”. Ajo tha gjatë një interviste televizive se, analizat që kryhen në ISHP mund të evidentojë raste të dyshuara të cilat më pas dërgohen në laboratorët e referencës dhe deri më tani gjithçka është në rregull.
“Nuk kemi asnjë rast të dyshuar apo të konfirmuar për Omicron, ISHP në bazë të mostrave të testuara me anë të PCR, çdo mostër e dyshuar e bën gati në pako dhe dërgon mostra sistematikisht. Është një procedurë standarde, ndërkohe që PCR identifikon sinjale dyshuese, dhe në rastin e një sinjali dyshues, mostra veçohet nga ato të tjerat, dhe më pas në një pako të sigurisë dërgohet në laboratorët e referencës sipas të gjitha kritereve”, tha ajo.
Për sa i përket pandemisë, Tomini thotë se tashmë prej më shumë se 4 javësh Shqipëria paraqet një situatë të qëndrueshme të Covid. “Për më shumë se 4 javët e fundit kemi situatë të qëndrueshme pavarësisht luhatjeve ditore të rasteve pozitive. Kjo situatë prej 4 javësh po monitorohet dhe është një situatë e kontrolluar qoftë në rastet pozitive por edhe atyre që kërkojnë trajtim spitalor. Kjo lidhet në mënyrë të drejtpërdrejtë me gjurmimin e rasteve dhe ndjekjen e kontakteve, por një situatë e qëndrueshme me 10-20 raste, 150-160 raste në ditë janë edhe të hospitalizuara”, u shpreh ajo.
Për të patur këtë situatë të qëndrueshme në një kohë kur në vend po qarkullojnë virusi i gripit dhe Covid, ekspertët rekomandojnë vaksinimin e plotë me dy doza.
Discussion about this post