Ish-ministri i Shëndetësisë, Tritan Shehu, nëpërmjet një statusi në rrjete sociale, shkruan se Shqipëria rrezikon dyfishin e vdekjeve nga Covid-19, krahasuar me një vit më parë.
Duke iu referuar një studimi të Charte në Berlin, Shehu thotë se në popullsitë e pavaksinuara ose të vaksinuara me vaksinat e pa efektshme, variant Delta jep deri në dyfishin e rasteve të shtuara në spitale.
“Një studim i Charité të Berlinit tregon se në popullsitë e pa vaksinuara ose të vaksinuara me vaksinat e pa efektshme, varianti Delta jep deri në dyfishim e të shtruarve në spital, në reanimacione dhe në mortalitet, ndaj vitit të kaluar.”- tha ai.
Ai më pas, analizon ecurinë e Cocid-19 deri më tani në vendin tonë dhe të gjitha hapat e ndjekura nga qeveria, që sipas tij janë të gabuara dhe negative, duke e cilësuar atë si një struc që fshihet nga e vërteta.
“—Shqipëria sot ka një nga nivelet më të ulta në Botë të vaksinimit të plotë, nën 26% të popullsisë, kur mesatarja botërore me Afrikën, Azinë etj brenda, është 35%, pa asnjë perspektive kjo përmirësimi të shpejtë me vaksina të efektshme.
—Shqipëria edhe më keq, ka shumicën e vaksinave Kineze, të pa certifikuara dhe të pa efektshme këto; nuk ka asnjë strategji për korrigjimin e këtij gabimi fatal.
—Shqipëria nuk ka asnjë përgatitje për uljen e moshës së vaksinimit në 12 vjeç e aplikimin e dozës së tretë.
—Po t’i shtojmë këtyre gjendjen e rënde të sistemit tonë shëndetësor, mungesën e masave përmirësuese te parësorit, spitalorit, reanimacioneve, laboratorëve, liberalizimit të testimeve, forcimit të mbrojtjes së personelit etj, gjendja behet…
Mos harrojmë se deri tashti Shqipëria ka pasur nga Covid mbi 16 mijë humbje jetësh midis popullsisë, ndër ata 50 mjeke.”- ka shkruar Tritan Shehu në “Facebook”.
