Numri i vdekjeve nga koronavirusi në Shqipëri ka pësuar ulje në 24 orët e fundit, ku sipas të dhënave të Ministrisë së Shëndetësisë 5 persona kanë ndërruar jetë. Qytetet që kanë shënuar vdekje nga Covid janë: 4 qytetarë nga Tirana 60- 78 vjeç dhe 1 qytetar nga Delvina 75 vjeç.
Sipas ministrisë, kanë rezultuar pozitivë me COVID-19 gjatë 24 orëve të fundit 508 qytetarë, ndërsa të shëruar janë 693 qytetarë, duke e çuar numrin e të shëruarve në 166,702 që nga fillimi i pandemisë.
Janë kryer 3074 testime, nga të cilat kanë rezultuar pozitivë me COVID19, 508 qytetarë, në këto bashki: 240 qytetarë në Tiranë, 33 në Fier, 25 në Elbasan, 21 në Kamëz, 16 në Durrës, 13 në Vlorë, Berat, 11 në Vorë, Gjirokastër, Korçë, 10 qytetarë në Shkodër, 9 në Malësi e Madhe, Lushnje, 8 në Sarandë, 6 në Kukës, Pogradec, Kuçovë, 5 në Lezhë, 4 në Has, Kurbin, Rroskovec, Mallakastër, 3 në Shijak, Memaliaj, Gramsh, Librazhd, 2 në Pukë, Tropojë, Krujë, Kavajë, Libohovë, Tepelenë, Devoll, Kolonjë, Dimal, Skrapar, 1 në Mirditë, Dibër, Divjakë, Himarë, Delvinë, Përmet, Belsh.
