Franca ka nisur aplikimin e një doze të tretë të vaksinës anti-Covid për të moshuarit mbi 65-vjeç dhe për ata që janë më të rrezikuar. Doza përforcuese do t’ju jepet personave që kanë mbi gjashtë muaj që janë vaksinuar me Pfizer ose Moderna. Ndërsa personat që kanë marrë dozën e vetme Johnson & Johnson mund të marrin vaksinës përforcuese pas katër javësh.
Franca është përballur me një numër të madh të infeksioneve që nga korriku, me një rënie të lehtë në javët e fundit. Pothuajse 44 milionë njerëz, ose 65.6% e popullsisë franceze, janë plotësisht të vaksinuar.
