Covid në Kosovë, asnjë viktimë dhe vetëm gjashtë raste të reja

Kosova vijon të shënojë një ulje të shifrave me Covid-19, ku në 24 orët e fundit nuk është regjistruar asnjë viktimë nga Covid-19.

Ministria e Shëndetësisë në Kosovë njofton se gjatë kësaj kohe janë raportuar vetëm 6 raste të reja të infektuara me këtë virus. Gjithashtu, sot janë shëruar 5 qytetarë, ndërsa numri i përgjithshëm i të shëruarve është 157.763. Në total numri i rasteve aktive është 335.

Sipas ekspertëve, uljet e infektimeve lidhen direkte me rritjen e vaksinimit, gjë që ka ndikuar dhe tek ulja e pacientëve që kërkojnë trajtim të specializuar.