Covid në Kosovë, asnjë viktimë në 24 orët e fundit, identifikohen 10 raste të reja

Ministria e Shëndetësisë në Kosovë ka bërë publike shifrat e Covid-19 në 24 orët e fundit, ku vihet re një ulje e numrit të infektimeve.

Sipas njoftimit, nga 2,288 teste të realizuara, kanë rezultuar pozitivë për COVID 10 qytetarë, ndërsa nuk është regjistruar asnjë rast vdekjeje. Sakaq numri total i rasteve aktive është 319.

Sa i përket vaksinimit, në 24 orët e fundit janë injektuar 3.236 doza të vaksinës kundër COVID-19, ndërsa që prej fillimit të vaksinimit në të gjitha qytetet e Kosovës janë dhënë 1.633.364 doza të vaksinës.

Ndonëse rastet e infektimeve janë të ulëta, Kosova vijon të ketë masa të ashpra për parandalimin e Covid-19, ku udhëtarët pa certifikatë ose test PCR nuk lejohen të futen në territor, apo detyrimin e mbajtjes së maskës dhe në ambientet e jashtme.