Një tjetër sfidë e Premier League mund të shtyhet për shkak të Covid-19. Bëhet fjalë për ndeshjen e planifikuar ditën e enjte mes Everton dhe Newcastle, pasi te këta të fundit ka pasur disa raste me virusin.
Trajneri Eddie Howe tashmë ka paralajmëruar se mund të ndodhë që për shkak të koronavirusit dhe lëndimeve, ai të mos ketë mjaftueshëm lojtarë për t’u përballur me skuadrën Rafa Benítez.
“Ne jemi rrezikshëm afër mungesës së një numri të mjaftueshëm lojtarësh për të marrë pjesë në ndeshjen kundër Evertonit. Këto janë kohë të vështira për ne. Jemi afër kufirit”, tha Howe.
Të hënën, në barazimin 1-1 kundër Manchester United, Newcastle kishte vetëm tetë rezerva (në vend të nëntë), duke përfshirë dy portierë.
Newcastle është i parafundit në Premierligë, dy pikë larg shpëtimit. Everton renditet në vendin e 15-të.
Discussion about this post