Ministria e Shëndetësisë prezanton plani përgjegjës ndaj pandemisë, 2021-2022.
Zv.ministrja, Eugena Tomini ndër të tjera bëri me dije se në rast të përshkallëzimit të situatës do të hapen spitalet rajonale.
“Në total në nivel kombëtar për menaxhimin kemi në kapacitet të plotë 1847 shtretër. Në rast të përshkallëzimit do të aktivizojnë skenarët përhapjen e spitaleve rajonale,” tha ajo.
Ndërkohë, realiteti paraqitet krejt ndryshe në spitalet rajonale të vendit tonë. Këto spitale edhe pse të paautorizuara nga MSH funksionojnë si spitale covid, ku trajtojnë dhe mbajnë pacientë me covid 19.
Rikujtomë rastin e policit të rrugores në qytetin e Shkodrës, i cili humbi jetën si pasojë e Covid 19, por burimet e Gijotina.com thanë se ka qëndruar në Spitalin Rajonal të Shkodrës për të marr trajtimin e covid 19.
Nga ana tjetër, Ministrja e Shëndetësisë, Ogerta Manastirliu, ka prezantuar këtë të shtunë planin ndaj pandemisë dhe ndikimin post-Covid-19 deri në vitin 2023, të hartuar nga ekspertët.
3 objektivat kryesore:
– Forcimi i survejancës epidemiologjike dhe masave të parandalimit dhe të kontrollit të infeksionit në komunitet.
– Menaxhimi i rasteve me SARS-CoV-2 në nivel spitalor dhe përballja me skenarët e rinj të mundshëm.
– Organizimi i kujdesit shëndetësor, forcimi i QKUM, infrastrukturës spitalore dhe burimeve njerëzore.
Manastirliu theksoi se vaksinimi i plotë i popullatës +18 vjeç është prioritetet.
“Vaksinimi i plotë i popullatës +18 vjeç është prioritetet nr. 1, bashkë me investimet për fuqizimin e të gjitha hallkave të shërbimit dhe ridimensionimin e sistemit shëndetësor, në dritën e pandemisë”, tha Manastiliu.
Edhe muaji tetor, tha Manastirliu, do të jetë muaj i hapur për vaksininimin, ashtu siç ishte edhe shtatori.
“Ajo që ne do të bëjmë sepse e kemi këtë mundësi dhe për faktin që e kemi marrë vendimin për të siguruar që edhe studentët të jenë të vaksinuar dhe të shkojnë në universitete, që shkollat tona të vazhdojnë procesin normal, edhe muaji tetor do të jetë një muaj i hapur për vaksinimin”.
Shifrat e infektimeve të Covid-19 sa vijnë dhe shtohen dita-ditës, ndërkohë rritje ka njohur edhe numri i fataliteteve
