Në 24 orët e fundit, sipas përditësimit më të fundit të bërë nga Ministria e Shëndetësisë, rezulton se betejën me Covid-19 e kanë humbur 6 qytetarë, ndërsa janë kryer 3273 testime, nga të cilët kanë rezultuar 725 raste pozitive.
Personat që kanë ndërruar jetë janë, dy qytetarë nga Berati të moshave 57-64 vjeç, një qytetare nga Tirana 58 vjeçe, një qytetare nga Fieri 73 vjeçe, një qytetar nga Shkodra 81 vjeç, një qytetare nga Tepelena 91 vjeçe.
Qyteti me numrin më të lartë të të infektuarve e mban Tirana me 289 raste pozitive në 24 orët e fundit, teksa ndiqet nga Fieri me 43 të tilla dhe Elbasani me 36 raste të reja.
Në të gjithë vendin janë 7,834 pacientë aktivë me COVID19.
Aktualisht në spitalet COVID po marrin trajtim 157 pacientë, nga të cilët 14 janë në gjendje më të rënduar.
Fushata e vaksinimit mbetet e hapur për çdo person mbi 16 vjeç dhe për çdo qytetar +12 vjeç me probleme të sistemit imunitar, me rekomandim nga mjeku, ndërsa vaksinimi me dozën e tretë ka nisur me rekomandim nga mjeku i familjes.
