Në një kohë kur Partia Demokratike dhe lideri i saj Sali Berisha ka proklamuar transparencë dhe ka paraqitur Primaret si risi për Partine Demokratike ky “blindim mediatik” është i paqartë.
Çfarë tjetër do të kishte me shumë interes për demokratët fierakë dhe jo vetëm që të njohin kandidatët e tyre , ti dëgjojnë dhe vlerësojnë për vlerat, mendimet dhe propozimet e tyre?
Burime të besueshme brenda Partisë Demokratike Fier bëjnë me dije se strukturat janë inekzistente dhe nuk funksionojnë.
Kryetarët e grupseksioneve të PD-së në Fier të cilët nuk pranojnë të prononcohen pranojnë që çdo gjë në parti vendoset nga Luan Baçi e madje gjithë grupseksionet kanë marrë urdhër të votojnë për një kandidat të caktuar nga deputeti Baçi teksa pohojnë keqardhjen që kandidatët e tjerë përpiqen të bëjnë fushatë të ndershme.
Nëse sa pohojnë është e vërtetë atëherë alternativa e qeverisjes së PD në Fier është e dështuar që në nisje. Po sipas këtyre burimeve kryesia e PD-së në Fier ende nuk është mbledhur për të përcaktuar një plan veprimi për të paraqitur kandidatët para anëtarësisë duke mos pasur asnjë organizim të mirëfilltë.
Discussion about this post