Drogë e alkool edhe në radhët e adoleshentëve. Ky është trendi më i fundit që po tërheq frikshëm edhe moshat 13-14 vjeç, të cilët e nisin si eksperiment apo për të qenë pjesë një grupi shoqëror duke i shndërruar më pas në varësi.
Pjesa më e madhe nisin gjatë një feste ditëlindjeje apo në kubet e natës në fundjavë. Sipas mjekëve të toksikologjisë po rritet frikshëm edhe numri i përdoruesve vajza dhe fatkeqësisht kjo ndodh edhe nëpër shkolla.
Kombinimi i substancave narkotike me alkoolin është një tjetër trend për frekuentuesit e jetës së natës, të cilët jo pak herë përfundojnë në urgjencat e spitaleve.
Sipas mjekes së shërbimit të toksikologjisë, Sonila Bitri, një femër krijon varësi ndaj substancave narkotike për 3-4 vite, ndërsa një mashkull për 7 vite. /TCH/
Discussion about this post