Presidenti i Malit të Zi, Milo Gjukanoviç ka shpërndarë sot Kuvendin e Malit të Zi. Shërbimi Informativ i Presidentit të Malit të Zi ka dorëzuar Dekretin për shpërndarjen e mandatit të 27-të të Kuvendit të Malit të Z.
“Dekreti për shpërndarjen e mbledhjes së 27-të të Kuvendit të Malit të Zi hyn në fuqi në ditën e miratimit të tij. Ky dekret do të botohet në Fletoren Zyrtare të Malit të Zi,”-shkruhet në dokumentin e publikuar.
Sipas informacioneve të “Vijesti”, një pjesë e ekipit ligjor të Gjukanoviçit i ka propozuar që të shpërndajë parlamentin dhe të thërrasë zgjedhjet shtetërore nëse nuk formohet qeveria e re. Zgjedhjet e parakohshme parlamentare mund të mbahen në fund të majit ose në fillim të qershorit, mëson jozyrtarisht “Vijesti”.
Po të njëjtat burime bëjnë me dije se Gjukanoviçit i është paraqitur mendimi ligjor se nëse deri më 16 mars nuk ka pushtet të ri ekzekutiv, plotësohen të gjitha kushtet ligjore për shpërndarjen e Kuvendin dhe për të dërguar vendin në zgjedhje.
Qeverisë aktuale iu votua mosbesimi 7 muaj më parë. Që atëherë, disa përpjekje për të zgjedhur një koalicion të ri kanë dështuar. Sipas Kushtetutës, Kuvendi shpërndahet nëse nuk formohet qeverinë brenda tre muajve nga momenti kur presidenti e propozon për herë të parë.
Sipas ligjit për zgjedhjen e këshilltarëve dhe deputetëve, nga shpallja deri në mbajtjen e zgjedhjeve mund të kalojnë jo më pak se 60 e as më shumë se 100 ditë.
Discussion about this post